Վիկ Դարչինյանը բացահայտել է մարտավարությունը
09:35 6 ապրիլի, 2012Ես չեմ սկսի մենամարտը անմիջապես նոկաուտի հասնելու համար, այլ` դանդաղ կնախապատրաստեմ նրան այդ պահին, աշխարհի չեմպիոն Շինսուկե Յամանակայի հետ մենամարտից առաջ հայտարարել է Վիկ Դարչինյանը:
«Այն մենամարտերը, որոնք ես նախկինում տանուլ եմ տվել` դաս են եղել ինձ համար: Այդ մենամարտերում ես ռինգ էի դուրս գալիս մրցակցին որքան հնարավոր է արագ նոկաուտի ենթարկելու նպատակով: Բայց դա սխալ մարտավարություն է, քանի որ ես արագ հոգնում էի, իսկ մրցակիցները ճիշտ մարտավարության շնորհիվ հասնում էին հաղթանակի:
Յամանական շատ արագ է եւ բարձրահասակ: Սա է նրա առավելությունը: Բայց նա երբեք չի հանդիպել ինձ նման բռնցքամարտիկի:
Ես ցույց կտամ տեղեր, որտեղ նա դեռ չի եղել: Ես չեմ սկսի մենամարտը անմիջապես նոկաուտի հասնելու համար, այլ` դանդաղ կնախապատրաստեմ նրան այդ պահին: Երբ նա պատրաստ կլինի` բարի գալուստ Վիկ Դարչինյանի աշխարհ»,- Դարչինյանի խոսքը մեջբերում է Boxingscene-ը:
Ապրիլի 6-ին Տոկիոյում 36-ամյա Վիկ Դարչինյանը թեթեւագույն քաշային կարգում WBC վարկածով աշխարհի չեմպիոնի տիտղոսի համար կմենամարտի 29-ամյա ճապոնացի Շինսուկե Յամանակայի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.