Միրչա Լուչեսկու. Հենրիխ Մխիթարյանն ապրում է միայն ֆուտբոլով

12:14   30 ապրիլի, 2013

Հենրիխը ոչ սովորական խելացի խաղացող է, ով ապրում է միայն ֆուտբոլով, հայտարարել է Դոնեցկի «Շախտյորի» գլխավոր մարզիչ Միրչա Լուչեսկուն: France Football հեղինակավոր թերթի հետ հարցազրույցում ռումինացի մասնագետն անդրադարձել է նաեւ Հայաստանի հավաքականի կիսապաշտպան Հենրիխ Մխիթարյանին:

«Հենրիխը ոչ սովորական խելացի խաղացող է, ով ապրում է միայն ֆուտբոլով: Ես Մխիթարյանին նկատել էի, երբ նա երեւանյան ակումբի կազմում Չեմպիոնների լիգայի որակավորման փուլում խաղում էր «Շախտյորի» դեմ: Այդ ժամանակ նա 17 տարեկան էր: Սակայն այդ տարիներին մեզ մոտ ոչ ոք չէր վստահում հայ ֆուտբոլիստներին: Ես պնդեցի, եւ Հենրիխը մեզ միացավ 2.5 տարի անց՝ տեղափոխվելով Դոնեցկի «Մետալուրգից»:  

Հենրիխն արագացնում է խաղը, միշտ հիանալի է զգում իրադրությունը, խաղադաշտում համագործակցում է մյուս ֆուտբոլիստների հետ, ունի հիանալի ֆուտբոլային հոտառություն եւ մեծ դերակատարում է ունենում գոլային պահեր ստեղծելու գործում՝ խփելով նաեւ բազմաթիվ գոլեր: Նրա՝ մեկ տարվա ընթացքում ունեցած առաջընթացի շնորհիվ բարձրացավ նաեւ թիմի խաղամակարդակը»,- Լուչեսկուի խոսքը մեջբերում է «Շախտյորի» պաշտոնական կայքը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։