«Շախտյոր» - «Մետալիստ»՝ 1:1. «Շախտյորը»՝ Ուկրաինայի 8-ակի չեմպիոն
19:52 28 ապրիլի, 2013Դոնեցկի «Շախտյորը» չորրորդ տարին անընդմեջ դարձավ ֆուտբոլի Ուկրաինայի չեմպիոն:
Ուկրաինական Պրեմյեր լիգայի 26-րդ տուրում «Շախտյորն» ընդունել էր երրորդ տեղում գտնվող Խարկովի «Մետալիստին»: Հաղթանակի կամ ոչ ոքի խաղալու դեպքում Միրչա Լուչեսկուի թիմն առաջնության ավարտից 4 տուր առաջ կապահովեր չեմպիոնի տիտղոսը: Գրանցվեց 1:1 հաշիվը եւ «Շախտյորը» 8-րդ անգամ հռչակվեց Ուկրաինայի չեմպիոն:
Խաղի հաշիվը 39-րդ րոպեին բացեց «Շախտյորի» նախկին հարձակվող Մարկո Դեւիչն՝ առաջ մղելով խարկովցիներին: 84-րդ րոպեին բրազիլացի Իլսիյնոն խփեց դաշտի տերերի պատասխան գնդակը՝ վերջակետ դնելով խաղին:
Ուկրաինական Պրեմյեր լիգայի ռմբարկուական ռեկորդը կրկնած Հենրիխ Մխիթարյանը «Շախտյորի» կազմում մասնակցեց ամբողջ հանդիպմանը: Հայաստանի հավաքականի կիսապաշտպանը 22 գոլ է խփել Ուկրաինայի ընթացիկ առաջնությունում ու եւս մեկ անգամ աչքի ընկնելու դեպքում արդյունավետության ռեկորդ կսահմանի:
«Շախտյորն» ունի 71 միավոր եւ 16 միավորով գերազանցում է «Մետալիստին»: Երկրորդ տեղում գտնվող Կիեւի «Դինամոն» ունի 56 միավոր:
Ուկրաինայի առաջնություն. 26-րդ տուր
«Շախտյոր» - «Մետալիստ»՝ 1:1
Իսլիսնյո, 84 – Մարկո Դեւիչ, 39
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.