Ուժն ու համառությունը չար կատակ են խաղում Վիկ Դարչինյանի հետ, կարծում է հայ բռնցքամարտիկի մարզիչ Ջոնի Լյուիսը:
«Ուժն անկասկած Դարչինյանի շնորհն է, սակայն եղել են դեպքեր, երբ այդ ուժը անեծք է դարձել նրա համար», - ասել է Լյուիսը՝ հիշելով Անսելմո Մորենոյի հետ մենամարտը:
«Ես գիտեմ, որ սխալներ եմ թույլ տվել Մորենոյի հետ մենամարտում, սակայն աշխատելով Լյուիսի հետ հիմա վստահ եմ, որ այս անգամ արդյունքն այլ է լինելու», - The Daily Telegraph-ին տված հարցազրույցում ասել է Դարչինյանը:
«Վիկը չի կարող մենամարտել ոչ գեղեցիկ: Բայց Յամանակայի հետ մենամարտը նման է լինելու շախմատի, եւ մենք ցանկանում ենք, որ Վիկը խաղաքարերը տեղաշարժի սեփական խաղատախտակի վրա: Եթե նա այդ ամենն անի՝ կկարողանա առաջ շարժվել եւ ժամանակից շուտ ավարտել մենամարտը», - ամփոփել է Լյուսիը:
Հիշեցնենք, որ Վիկ Դարչինյանի մենամարտը ճապոնացի Շինսուկե Յամանակայի հետ տեղի կունենա ապրիլի 6-ին Տոկիոյում: Կվիճարկվի թեթեւագույն քաշային կարգում WBC վարկածով աշխարհի չեմպիոնի տիտղոսը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։