Հենրիխ Մխիթարյանը ցանկանում է տարեկան 2.5 միլիոն եվրո աշխատավարձ ստանալ «Շախտյորում»

23:30   25 ապրիլի, 2013

Դոնեցկի «Շախտյորի» եւ Հայաստանի ազգային հավաքականի կիսապաշտպան Հենրիխ Մխիթարյանն ամռանը կփորձի այլ ակումբ տեղափոխվել, գրում է ուկրաինական «Чемпион»-ը:

Աղբյուրի համաձայն՝ 24-ամյա Մխիթարյանը դժգոհ է իր ներկայիս աշխատավարձից, որը կազում է տարեկան մեկ միլիոն եվրո: Նա բազմիցս «Շախտյորի» գլխավոր մարզիչ Միրչա Լուչեսկուին դիմել է աշխատավարձը բարձրացնելու հարցով, բայց ռումինացի մասնագետն այդ թեմայով չի զրուցել «Շախտյորի» սեփականատեր Ռինատ Ախմետովի հետ:

Մխիթարյանը 2013-ի սկզբնամասում Լուչեսկուին ասել է, որ ցանկանում է ստանալ տարեկան 2.5 միլիոն եվրո աշխատավարձ, բայց մարզիչը նշել է, որ դա անիրատեսական է: Դրանից հետո Մխիթարյանը որոշել է հեռանալ «Շախտյորից»: Չի բացառվում նաեւ, որ Հայաստանի հավաքականի կիսապաշտպանի պայմանագիրը փոփոխությունների կենթարկվի:

Հիշեցնենք, որ «Շախտյորը» Մխիթարյանի տրանսֆերային արժեքը գնահատում է 40 միլիոն եվրո:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.