Բալոտելիի գործակալը կարող է 3 միլիոն ֆունտ աշխատել Հենրիխ Մխիթարյանի տրանսֆերից
11:01 25 ապրիլի, 2013Իտալացի հայտնի գործակալ Մինո Ռայոլան կարող է մեծ գումար աշխատել Դոնեցկի «Շախտյորի» եւ Հայաստանի հավաքականի կիսապաշտպան Հենրիխ Մխիթարյանի՝ եվրոպական բարձրակագ ակումբ տեղափոխվելու գործարքից:
Metro-ն գրում է, որ վերջերս Ռայոլան պայմանագիր է կնքել «Շախտյորի» լավագույն ռմբարկուին հետ: Մխիթարյանին ձեռք բերելու գլխավոր հավակնորդն անգլիական «Լիվերպուլն» է: Եթե Անգլիայի 18-ակի չեմպիոնը 20 միլիոն ֆունտ ստերլինգով ձեռք բերի 24-ամյա Մխիթարյանին, ապա Ռայոլան այդ գործարքից կաշխատի 3 միլիոն ֆունտ ստերլինգ:
«Շախտյորը» Հայաստանի հավաքականի կիսապաշտպանի տրանսֆերային արժեքը գնահատում է 40 միլիոն եվրո:
Մինո Ռայոլան աշխատում է Եվրոպայի առաջատար ակումբների հետ: Նրա հետ համագործակցում են մի շարք հայտնի ֆուտբոլիստներ, այդ թվում՝ Զլատան Իբրահիմովիչն ու Մարիո Բալոտելին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.