Իտալիայի Գավաթի եզրափակիչը կարող է անցկացվել Պեկինում

Ֆուտբոլի Իտալիայի գավաթի խաղարկության եզրափակիչ խաղը հռոմեական 2 ակումբենրի՝ «Ռոմայի» եւ «Լացիոյի» միջեւ կարող է կայանալ Չինաստանի մայրաքաղաք Պեկինում, գրում է Football Italia-ն:

Խաղը նախատեսված էր անցկացնել մայիսի 26-ին Հռոմի «Օլիմպիկո» ստադիոնում, սակայն Իտալիայի մայրաքաղաքի ղեկավարությունը հասկացրել է, որ անվտանգության նկատառումներից ելնելով թույլ չի տա խաղն անցկացնել ուշ ժամի:

Հիշեցնենք, որ «Ռոմայի» եւ «Լացիոյի» միջեւ կայացած նախորդ խաղում երկրպագուներն անկարգություններ էին սարքել:

Հռոմեական ակումբները դեմ են խաղը Պեկինում անցկացնելուն եւ շարունակում են բանակցություններ վարել քաղաքի ղեկավարության հետ: