Անատոլի Բիշովեց. Վագներ Լավն ու Յուրա Մովսիսյանը երկու հզոր ռմբարկուներ են
13:36 20 ապրիլի, 2013Ռուսաստանի առաջնության 25-րդ տուրի ԲԿՄԱ - «Սպարտակ» հանդիպումից առաջ թիմերի երկու գլխավոր հարձակվողների որակների մասին խոսել է Կիեւի «Դինամոյի» եւ ԽՍՀՄ հավաքականի նախկին հարձակվող, ԽՍՀՄ վաստակավոր մարզիչ Անատոլի Բիշովեցը, փոխանցում է Rusfootball.info-ն:
«Վագներ Լավն ու Յուրա Մովսիսյանն իսկապես երկու հզոր ռմբարկուներ են, որոնք անհատական վարպետության եւ սուր գոլային հոտառության շնորհիվ իրենց թիմերի գլխավոր հարվածային ուժն են: Բրազիլացին այժմ ավելի բազմազան է գործում, եւ դա ուժեղացրել է նրա խաղը»,- ասել է 66-ամյա Անատոլի Բիշովեցը:
ԲԿՄԱ-ն 56 միավորով գլխավորում է մրցաշարային աղյուսակը: «Սպարտակը» չորրորդն է՝ առաջատարին զիջելով 16 միավոր: Ռուսաստանի առաջնությունն ավարտվում է մայիսի 26-ին՝ 30-րդ տուրի հանդիպումներով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.