Ադրբեջանի, Վրաստանի եւ Ղազախստանի միավորված առաջնության նախագիծը կներկայացվի ՈւԵՖԱ-ին

16:32   13 ապրիլի, 2013

Ադրբեջանի, Վրաստանի եւ Ղազախստանի միավորված ֆուտբոլային առաջնության նախագիծը ապագայում կներկայացվի ՈւԵՖԱ-ին, հաղորդում է geosports.ge-ն: Այդ մասին հայտնել է Զվիադ Սիչինավան, որը հույս ունի լուրջ ֆինանսական ներդրումներ ներգրավել նախագծի շնորհիվ:

«Ռուսաստանն ու Ուկրաինան արդեն ներկայացրել են իրենց նախագիծը: Միավորված առաջնության ցանկություն ունեն նաեւ բալթյան երկրները: Վրաստանը, Ադրբեջանը եւ Ղազախստանը կմշակեն սեփական ծրագիրը»,- ասել է Սիչինավան:

Սակայն Ղազախստանի ֆուտբոլի ֆեդերացիան արդեն հայտարարել է, որ որեւէ երկրի առաջնության հետ միավորվելու մտադրություն չունի:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։