Նորայր Ասլանյան. Եթե Ռուսաստանից առաջարկ լինի, ապա մեծ սիրով կտեղափոխվեմ այնտեղ
19:23 8 ապրիլի, 2013«Եթե Ռուսաստանից առաջարկ լինի, ապա մեծ սիրով կտեղափոխվեմ այնտեղ: Ես Արասի հետ մի քանի անգամ զրուցել եմ այդ մասին»: Այդ մասին NEWS.am Sport-ի թղթակցին հայտնեց հոլանադական «Էմմենի» եւ Հայաստանի ազգային հավաքականի ֆոատբոլիստ Նորայր Ասլանյանը, ով մեկ ամիս առաջ վնասվացք էր ստացել:
«Նախորդ ուրբաթ ես դուրս եկա խաղադաշտ: Խաղացի տասը րոպե: Բժիշկներն ասում են, որ ամեն ինչ նորմալ է: Իմ վանասվածքը հինգից վեց շաբաթ տեւողությամբ ապաքինման վնասվածք էր: Այս ուրբաթ լրանում է վեցերորդ շաբաթը: Այժմ նորմալ մարզվում եմ: Շուտով կսկսեմ նաեւ խաղալ:
Հունիսին լրանում է պայմանգրիս ժամկետը «Էմմենի» հետ: Դեռ չգիտեմ ինչ է լինելու հետագայում: Բանակցությունների մեջ ենք: Հավանականությունը, որ կմնամ թիմում 50/50 է: Այս մի քանի տարում երեք ակումբ փոխեցի: Դժվար է համակերպվել նոր թիմին, նոր քաղաքին, անընդհատ տեղաշարժվել: Դրա համար կցանկանայի մնալ այս թիմում: Բացի այդ, շուտով լույս աշխարհ կգա մեր երեխան, եւ ինձ պետք է որոշակի հստակություն ապագա կարիերայիս հարցում: Եթե Ռուսաստանից առաջարկ լինի, ապա մեծ սիրով կտեղափոխվեմ այնտեղ: Ես Արաս Օզբիլիսի հետ մի քանի անգամ զրուցել եմ այդ մասին: Նա միայն դրական է արտահայտվել Ռուսաստանի առաջնության մասին: Կարծում եմ՝ ես կկարողանայի այնտեղ խաղալ»,- ասաց Նորայր Ասլանյանը:
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.