Դոնեցկի «Մետալուրգը» հաղթեց խոշոր հաշվով

Ֆուտբոլի Ուկրաինայի առաջնության 23-րդ տուրում Դոնեցկի «Մետալուգը» սեփական խաղադաշտում 4 անպատասխան գնդակ ուղարկեց Լվովի «Կարպատների» դարպասը: Դուբլի հեղինակ դարձավ բրազիլացի հարձակվող Ժունիոր Մորաեսը, իսկ ուկրաինացի պաշտպան Վլադիմիր Պոլեւոյնն ու բրազիլացի կիսապաշտպան Լեոնարդո դա Սիլվան աչքի ընկան մեկական անգամ:

Հայաստանի հավաքականի կիսապաշտպան Գեւորգ Ղազարյանը Դոնեցկի թիմի փոխարինողների թվում էր, սակայն խաղադաշտ դուրս չեկավ: Կառլեն Մկրտչյանի անունը բացակայում էր «Մետալուրգի» հայտացուցակից:

Այս հաղթանակից հետո «Մետալուրգը» 33 միավորով բարձրացավ 6-րդ տեղ, իսկ լվովցիները 23 միավորով 14-րդն են:

Ուկրաինայի առաջնություն. 22-րդ տուր 

«Մետալուրգ Դ.» – «Կարպատներ»՝ 4:0

Ժունիոր Մորաես, 15, 54, Լեոնարդո դա Սիլվա, 29, Վլադիմիր Պոլեւոյ, 90