Յուրա Մովսիսյանը սատարել է Ռոստովի հայերի որոշումը՝ ներկա չլինել «Ռոստով» - «Սպարտակ» խաղին
16:10 6 ապրիլի, 2013Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը սատարել է Դոնի Ռոստովի հայերի որոշումը՝ ներկա չլինել Ռուսաստանի առաջնության 23-րդ տուրի՝ «Ռոստով» - «Սպարտակ» հանդիպմանը, որը տեղի կունենա ապրիլի 6-ին:
Հանդիպումից առաջ Յուրա Մովսիսյանը հանդիպել է Ռոստովի հայ համայնքի ներկայացուցիչների հետ եւ ինքնագիր է թողել հայերի գնած խաղի 60 տոմսերից յուրաքանչյուրի վրա:
«Ռոստովում առկա լարված վիճակը պետք է չմթագնի հանդիպումը: Մենք զրուցեցինք Յուրայի հետ մոտ 20 րոպե, եւ նա կողմ արտահայտվեց մեր որոշմանը՝ չգնալ խաղին»,- հայ համայնքի ներկայացուցիչի խոսքը մեջբերում է Sovsport-ը:
Մարտի 28-ին դանակահարության հետեւանքով զոհվել է «Ռոստովի» երկրպագու Ալեքսանդր Տերեխովը: Քրեական գործով կասկածյալները երկուսն են՝ Նիկա Խարչիլավան եւ Գարեգին Մնացականյանը: Այդ պատճառով Ռոստովում զգուշանում են հայերի նկատմամբ սադրանքներից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.