Հայ սուսերամարտիկները մեկնում են Խորվաթիա
13:08 5 ապրիլի, 2013Սուսերամարտի Հայաստանի պատանեկան հավաքականը կմասնակցի պատանիների եւ երիտասարդների աշխարհի առաջնությանը, որը կկայանա ապրիլի 6-10-ը Խորվաթիայի Պորեջ քաղաքում, փոխանցում են Սպորտի եւ երիտասարդության հարցերի նախարարությունից։
Հայաստանի թիմի կազմում հանդես կգան ճկասուսերակիրներ Մայքլ Հովհաննիսյանը եւ Էմիլ Դանիելյանը, ինչպես նաեւ խոցասուսերակիրներ Էդուարդ Հովիկյանը, Արթուր Քոչարյանը եւ Լիլիթ Էվոյանը:
Մայքլ Հովհաննիսյանը արդեն Պորեջում է, որտեղ մարտի 29-ից մասնակցում է սուսերամարտի միջազգային հավաքին: Մայքլ Հովհաննիսյանն իրեն բավականին լավ է դրսեւորել նաեւ այս տարվա փետրվարին Բուդապեշտում կայացած պատանիների եւ երիտասարդների առաջնությունում՝ 100 մասնակիցների մեջ գրավելով 22-րդ տեղը:
Ճկասուսերակիր Էմիլ Դանիելյանը 2012թ. Երեւանում կայացած միջազգային մրցաշարի հաղթողն է: Լիլիթ Էվոյանը եւ Էդուարդ Հովիկյանը 2013թ. Հայաստանի երիտասարդների չեմպիոններն են, իսկ Արթուր Քոչարյանը՝ երրորդ մրցանակակիր է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.