Մուսլին. Մովսիսյանը հիանալի համապատասխանում է «Սպարտակի» խաղաոճին
10:49 4 ապրիլի, 2013Յուրա Մովսիսյանին հաջողություն եմ մաղթում՝ ցանկանալով, որ նա դառնա առաջնության լավագույն ռմբարկուն, բայց Վանդերսոնից հետո, հայտարարել է ռուսական «Կրասնոդարի» գլխավոր մարզիչ Սլավոլյուբ Մուսլինը: Սերբ մասնագետն անդրադարձել է Հայաստանի ազգային հավաքական 25-ամյա հարձակվող Յուրա Մովսիսյանի նորամուտին Մոսկվայի «Սպարտակում»:
«Ես դիտել եմ Յուրայի մասնակցությամբ «Սպարտակի» բոլոր՝ 3 խաղերը: Առաջին խաղում Մովսիսյանն իրեն հիանալի դրսեւորեց, սակայն նա դեռ պետք է հարմարվի նոր թիմի խաղին: Որոշ ֆուտբոլիստներ, չկարողանալով գոլեր խփել, ճգնաժամային իրավիճակում են հայտնվում, բայց չեմ կարծում, որ Մովսիսյանի մոտ հիմա այդպիսի շրջան է: Յուրան պետք է լավ մարզավիճակ ձեռք բերի, քանի որ առաջնության երկրորդ հատվածի նախապատրաստական փուլում նա ստացել էր վնասվածք, ինչը թույլ չտվեց մարզվել ամբողջ ուժով: Այդ իսկ պատճառով նրան ժամանակ է հարկավոր: Մովսիսյանի խաղային որակաների վրա ես չեմ կասկածում. նա հիանալի համապատասխանում է «Սպարտակի» խաղաոճին: Յուրային հաջողություն եմ մաղթում՝ ցանկանալով, որ նա դառնա առաջնության լավագույն ռմբարկուն, բայց Վանդերսոնից հետո: Մովսիսյանը հենց սկզբից ցանկանում էր խաղալ մի թիմում, որը կպայքարի չեմպիոնության եւ Եվրոպայի լիգայի ուղեգրի համար: Այդ պատճառով մենք բաց թողեցինք նրան»,- Մուսլինի խոսքը փոխանցում է Sportsdaily.ru-ն:
Ռուսաստանի ընթացիկ առաջնությունում Մովսիսյանը խփած 12 գոլով գլխավորում է ռմբարկուների ցուցակը: Վանդերսոնը խփել է 11 գնդակ, իսկ Մախաչկալայի «Անժիի» հարձակվող Լասինա Տրաորեն ու «Զենիթի» ռմբարկու Ալեքսանդր Կերժակովը՝ 10-ական:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.