Ընդհանուր առմամբ, Հայաստանի հավաքականը լավ խաղաց չեխերի դեմ, հայտարարել է Հայաստանի ազգային հավաքականի եւ Դոնեցկի «Մետալուրգի» կիսապաշտպան Կառլեն Մկրտչյանը, ով որակազրկման պատճառով չմասնակցեց չեխերի հետ խաղին:
«Մարզումներից մեկի ժամանակ վնասվածք ստացա եւ բաց թողեցի «Տավրիայի» հետ խաղը: Արդեն 8 օր է չեմ մարզվում թիմի ընդհանուր խմբի հետ: Չորեքշաբթի օրը մասնակցել եմ երկկողմանի խաղին: Հուսով եմ` առաջիկայում կկարողանամ օգնել «Մետալուրգին»:
Հայաստան - Չեխիա խաղը դիտեմ եմ հեռուստացույցով: Ընդհանուր առմամբ, Հայաստանի հավաքականը լավ էր խաղում: Առաջին խաղակեսում մենք պահեր ունեինք, սակայն ընդմիջումից հետո չեխերը բացեցին հաշիվը, իսկ խաղի վերջնամասում ամրապնդեցին իրենց առավելությունը»,- Մկրտչյանի խոսքը փոխանցում է «Մետալուրգի» պաշտոնական կայքը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։