Արթուր Շահինյանը՝ Եվրոպայի առաջնության բրոնզե մեդալակիր
19:22 24 մարտի, 2013Թբիլիսիում կայացած հունահռոմեական ըմբշամարտի Եվրոպայի առաջնությունում Հայաստանի ներկայացուցիչ Արթուր Շահինյանը դարձավ բրոնզե մեդալակիր:
84 կգ քաշային Շահինյանը բրոնզե մեդալի համար գոտեմարտում 4:0 (1:0, 3:0) հաշվով հաղթեց Խրիստո Միրինովին: Չեմպիոնի տիտղոսը նվաճեց ռուս Ալեքսեյ Միշինը:
Հիշեցնենք, որ մեկնարկային գոտեմարտում Արթուր Շահինյանը 8:2 (4:1, 4:1) հաշվով պարտության էր մատնել հունգարացի Պետեր Բակցին, քառորդ եզրափակիչում 10:0 (9:0, 0:1) հաշվով հաղթել էր ֆին Անտի Վելի Հակալային, իսկ կիսաեզրափակիչում 0:5 (0:5, 0:0) հաշվով պարտվել էր վրացի Վլադիմեր Գեգեշիձեին:
Այսօր՝ հունահռոմեական ըմբշամարտի Եվրոպայի առաջնության վերջին օրը, պայքարի մեջ էին մտել նաեւ 74 կգ քաշային Ռաֆիկ Մանուկյանը եւ 66 կգ քաշային Սասուն Ղամբարյանը, սակայն նրանք պարտվեցին թուրք ըմբիշներին՝ զրկվելով մեդալների համար պայքարելու հնարավորությունից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.