Հենրիխ Մխիթարյան. Չգիտեի, որ 100-րդ խաղս է Ուկրաինայի առաջնությունում
21:25 16 մարտի, 2013«Չեռնոմորեցը» լավ թիմ է եւ կարողացավ դժվարություններ առաջացնել մեր համար, ասել է Դոնեցկի «Շախտյորի» կիսապաշտպան Հենրիխ Մխիթարյանը, ով մարտի 16-ին կայացած «Չեռնոմորեցի» հետ խաղում իր 100-րդ հանդիպումն անցկացրեց Ուկրաինայի առաջնությունում՝ դառնալով գոլի հեղինակ: Խաղից հետո Մխիթարյանը կիսվել է տպավորություններով:
«Երեւի, մեր երկրորդ գոլը վճռորոշ եղավ: 0:1 հաշվի ժամանակ «Չեռնոմորեցը» պայքարում, հարձակվում էր: 0:0 հաշվի ժամանակ եւս մեր համար դժվար էր, քանի որ Օդեսայի թիմը լավ էր խաղում: Նրանք լավ թիմ ունեն եւ կարողացան դժվարություններ առաջացնել մեր համար: Ֆերնանդինյոյի խփած գնդակից հետո ստացվեց այնպես, ինչպես մենք էինք ցանկանում: «Չեռնոմորեցը» բացվեց՝ հեշտացնելով մեր աշխատանքը:
Շնորհակալություն թիմակցիներիս խփածս գոլի համար: Չգիտեի, որ 100-րդ խաղս է Ուկրաինայի առաջնությունում: «Չեռնոմորեցը» կարող է միավորներ վաստակել «Դինամոյի» եւ մյուս թիմերի հետ խաղերում: Նրանք գիտեն՝ ինչպես խաղալ: Հաջողություն եմ մաղթում նրանց»,- «Футбол» հեռուստաընկերության եթերում ասել է Հենրիխ Մխիթարյանը, փոխանցում է ua-football.com-ը:
Հիշեցնենք, որ Ուկրաինական Պրեմյեր լիգայում Հենրիխը «Շախտյորի» կազմում մասնակցել է 63 խաղի: Եվս 37 հանդիպում նա անցկացրել է Դոնեցկի «Մետալուրգի» կազմում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.