Ռոբերտ Շտիգլից. Արթուր Աբրահամից կխլեմ իմ տիտղոսը
09:08 14 մարտի, 2013Ինձ պատկանող չեմպիոնական գոտին հայտնվել է ուրիշի մոտ, հայտարարել է պրոֆեսիանալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Ռոբերտ Շտիգլիցը, ով մարտի 23-ին Գերմանիայի Մագդեբուրգ քաղաքում ռեւանշ մենամարտ կանցկացնի Արթուր Աբրահամի հետ:
«Չեմ ցանկանում հիշել անցյալը: Միայն կարող եմ ասել, որ ինձ պատկանող չեմպիոնական գոտին հայտնվել է ուրիշի մոտ: Առաջիկա մենամարտում ես կխլեմ իմ տիտղոսն Արթուր Աբրահամից: Ինձ համար դա ամենագլխավոր նպատակն է, որի վրա ես կենտրոնացել եմ»,- Շտիգլիցի խոսքը փոխանցում է BoxingNews24-ը:
Հիշեցնենք, որ 2012թ. օգոստոսի 25-ին Բեռլինում Արթուր Աբրահամը գերմանացի Ռոբերտ Շտիգլիցին հաղթեց մրցավարների միաձայն որոշմամբ (116-112, 116-112, 115-113): 2012թ. դեկտեմբերի 15-ին Նյուրնբերգում կայացած մենամարտում 32-ամյա Աբրահամը պաշտպանեց տիտղոսը` պարտության մատնելով ֆրանսիացի Մեհդի Բուադլային:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։