Սաղավարտներն ու նվաճած գավաթները կդառնան Լյուիս Հեմիլթոնի սեփականությունը

«Մերսեդեսը» թույլ կտա 2008թ. Ֆորմուլա-1-ի չեմպիոն Լյուիս Հեմիլթոնին վերցնել օգտագործած սաղավարտները եւ Գրան-պրիներում նվաճած գավաթները:  Նախկինում Հեմիլթոնը չէր թաքցնում, որ այդ հանգամանքը վիճահարույց է եղել «Մաքլարենի» հետ բանակցությունների ժամանակ: Բրիտանական թիմը հաստատակամ է բոլոր գավաթները պահել թիմում:

«Զվարճալի կլինի, եթե նոր մրցաշրջանում ոչ մի գավաթ չնվաճեմ: Գավաթների եւ սաղավարտների հարցը մանրուք է, բայց ոչ մեծ դետալները ունեն նշանակություն: Օրինակ` իմ սաղավարտները: Դրանց մեջ ես թողնում եմ իմ քրտինքը, արցունքները, արյունը: Այդ պատճառով ես ցանկանում պահել դրանք: Այժմ ես ստացա այդ իրավունքը»,- Express-ին ասել է Հեմիլթոնը: