Ֆուտբոլի Ուկրաինայի առաջնության 20-րդ տուրում Դոնեցկի «Շախտյորը» հյուրընկալվելիս նվազագույն հաշվով պարտության մատնեց Պոլտավայի «Վորսկլային»:
Միրչա Լուչեսկուի թիմի հաղթական գնդակը 19-րդ րոպեին խփեց բրազիլացի հարձակվող Լուիս Ադրիանոն: «Շախտյորի» ռմբարկու Հենրիխ Մխիթարյանը մասնակցեց ամբողջ խաղին:
Ուժգորոդի «Գովերլան» տանը նվազագույն հաշվով պարտվեց «Դնեպրին»: Հայաստանի հավաքականի հենակետային կիսապաշտպան Արթուր Եդիգարյանը «Գովերլայի» մեկնարկային կազմում էր եւ փոխարինվեց ընդմիջմանը:
«Շախտյորն» ունի 57 միավոր եւ 13 միավորով գերազանցում է երկրորդ տեղում գտնվող «Դնեպրին»: «Գովերլան» 11 միավորով նախավերջին՝ 15-րդ տեղում է:
Ուկրաինայի առաջնություն. 20-րդ տուր
«Վորսկլա» - «Շախտյոր»՝ 0:1
Լուիս Ադրիանո, 19
«Գովերլա» - «Դնեպր»՝ 0:1
Ռոման Զոզուլյա, 68
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։