Արթուր Սարկիսով. Վերջապես խաղում եմ ինձ համար հարազատ դիրքում
11:15 6 մարտի, 2013Վերջապես խաղում եմ ոչ թե աջ եզրում, այլ հարձակման կիզակետում: Այս դիրքում ինձ ավելի լավ եմ զգում: Այդ մասին հայտարարել է Նիժնի Նովգորոդի «Վոլգայի» եւ Հայաստանի հավաքականի հարձակվող Արթուր Սարկիսովը: Թուրքիայում անցկացված հավաքից հետո 26-ամյա ֆուտբոլիստը կիսվել է տպավորություններով:
«Ինձ համար երրորդ հավաքը հաջող անցավ: Հաջողվեց մի քանի գոլ խփել, սակայն այդ ամենը թիմային խաղի շնորհիվ էր, տղաները շատ օգնեցին ինձ: Վերջապես խաղում եմ ոչ թե աջ եզրում, այլ հարձակման կիզակետում: Այս դիրքում ինձ ավելի լավ եմ զգում: Գոլային պահերն ավելի շատ են, ինչի արդյունքում սկսել եմ ավելի արդյունավետ գործել: Հուսով եմ, որ կշարունակեմ նույն ոգով՝ օգնելով թիմին լուծել խնդիրները:
Շատ ուրախ ենք, որ հավաքներն արդեն ավարտվել են: Հասցրել էինք կարոտել մեր ընտանիքներին եւ պաշտոնական խաղերին: Առջեւում «Կուբանի» հետ խաղն է, որը շատ կարեւոր է մեզ համար: Այդ իսկ պատճառով շատ երկրպագուների ենք սպասում ստադիոնում: Հուսով եմ՝ նրանց աջակցության շնորհիվ կկարողանանք լավ արդյունքի հասնել այդ խաղում»,- Սարկիսովի խոսքը մեջբերում է «Վոլգայի» պաշտոնական կայքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։