Հենրիխ Մխիթարյան. Ամեն ինչ նորմալ ստացվեց
13:48 2 մարտի, 2013Մեզ դիմակայում էր լավ թիմ, որը պայքարում էր հաղթանակի համար, չէր եկել Դոնեցկ ընդամենը պաշտպանվելու համար, ձմեռային արձակուրդից հետո կայացած Ուկրաինայի առաջնության 19-րդ տուրի մեկնարկային խաղում Դոնեցկի «Շախտյորի» 4:1 հաշվով հաղթանակը «Վոլինի» նկատմամբ այսպես է մեկնաբանել «Շախտյորի» եւ Հայաստանի հավաքականի կիսապաշտպան Հենրիխ Մխիթարյանը, փոխանցում է ակումբի պաշտոնական կայքը:
«Հենց այդպիսի ֆուտբոլ էլ սպասում էինք «Վոլինից»: Մեզ դիմակայում էր լավ թիմ, որը պայքարում էր հաղթանակի համար, չէր եկել Դոնեցկ ընդամենը պաշտպանվելու համար: 2:0-ից հետո մենք սկսեցինք հանգիստ խաղալ եւ դրա հետեւանքով գոլ բաց թողեցինք: Դրանից հետո դարձավ ավելի վտանգավոր: Լավ է, որ դարձյալ կարողացանք հավաքվել եւ խփեցինք եւս երկու գնդակ: Ամեն ինչ նորմալ ստացվեց»,- ասել է Հենրիխ Մխիթարյանը:
«Շախտյորը» 54 միավորով գլխավորում է մրցաշարային աղյուսակը` երկրորդ տեղում ընթացող «Դնեպրին» գերազանցելով 16 միավոր: «Դնեպրը» մեկ հանդիպում քիչ է անցկացրել:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.