Paddy Power. Արշավինը ոչինչ չանելու համար ստանում է շաբաթական 50 հազար ֆունտ ստերլինգ
18:52 1 մարտի, 2013Բրիտանական Paddy Power բուքմեյքերական ընկերությունը բացատրել է, թե ինչու է հավաքարարի աշխատանք առաջարկել Լոնդոնի «Արսենալի» ռուսաստանցի կիսապաշտպան Անդրեյ Արշավինին։
«Արշավինը ոչինչ չանելու համար, պահեստայինների շատ հարմար նստարանին նստելու համար ստանում է շաբաթական 50 հազար ֆունտ ստերլինգ, եւ դա վրդովեցնում է։ Paddy Power-ը ցանկանում է, որ այդպիսի բարձր աշխատավարձ ստացող պահեստայինները փոխեն իրենց ճակատագիրը եւ գտնեն երկրորդ աշխատանք։
Հիշեցնենք, որ Բրիտանական Paddy Power բուքմեյքերական գրասենյակը հավաքարարի աշխատանք է առաջարկել Լոնդոնի «Արսենալի» ռուս հարձակվող Անդրեյ Արշավինին։ Paddy Power-ը հայտնի է անգլիական թիմերում հիմնական կազմից դուրս մնացած բարձր վարձատրվող ֆուտբոլիստներին հումորային աշխատանք առաջարկելով։ Ռուսաստանի հավաքականի նախկին ավագին առաջարկել են մաքրել Լոնդոնի «Էմիրեյթս» ստադիոնի D տրիբունայի զուգարանը, գրում է Metro-ն։
Paddy Power-ի գովազդային վահանակը տեղադրված է «Արսենալի» ակումբային խանութի հարեւանությամբ։ Նախկինում բուքմեյքերական ընկերությունը նմանատիպ առաջարկներ էր արել նաեւ Ֆերնանդո Տորեսին, Դարեն Բենտին, Պիտեր Օդեմվինգիին ու Ժոզե Բոսինգվային։
«Արսենալը» արդեն սպառնացել է հանել վահանակը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.