Գեղասահքի Ճապոնիայի թիմը Սոչի-2014-ին կնախապատրաստվի Երեւանում
15:16 28 փետրվարի, 2013Հայաստանի ազգային օլիմպիական կոմիտեում հյուրընկալվել են Ճապոնիայի գեղասահքի ֆեդերացիայի նախագահ Հեդեիտո Իտոն եւ այդ կազմակերպության մենեջեր Տացուրո Մացումուրան: Նրանց Հայաստան էր ուղեկցել նախկին մարզիչ Արարատ Զաքարյանը, որն այժմ բնակվում եւ աշխատում է Մոսկվայում:
Հյուրերը եղել են Ծիծեռնակաբերդում, ծաղկեպսակ դրել Հայոց ցեղասպանության զոհերի հուշահամալիրում, ապա այցելել են Կարեն Դեմիրճյանի անվան մարզահամերգային համալիր, մանրամասն ուսումնասիրել են սահադաշտը եւ մեծ տպավորություն ստացել: Նրանց հաճելիորեն զարմացրել է սահադաշտի որակը եւ մանավանդ «արագ սառույցը», հայտնում է ՀԱՕԿ-ի լրատվության բաժինը:
Առաջիկայում Ճապոնիան մարզաձեւի մեծ պատվիրակություն կուղարկի Հայաստան: Գեղասահորդներից բացի կհյուընկալվեն նաեւ մարզական գիտաբժշկական խմբեր եւ լրագրողներ: Նրանց կարծիքով, Հայաստանի կլիմայական պայմանները շատ հարմար են Սոչիի ձմեռային Օլիմպիական խաղերին նախապատրաստվելու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։