Ձյուդոյի օլիմպիական չեմպիոն Արսեն Գալստյանը 2012թ. Ռուսաստանի երկրորդ ամենահաջողակ մարզիկն է, առաջատարը տափօղակով հոկեյի Ռուսաստանի հավաքականի եւ «Պիտսբուրգ Պինգվինզի» հարձակվող Եվգենի Մալկինն է, երրորդ տեղում ջրացատկորդ Իլյա Զախարովն է: Ռեյտինգը կազմել են «Ռ-Սպորտ» գործակալությունը «Մեդիալոգիայի», PROСПОРТ ամսագրի, «Ավտոռադիոյի», «Մոսկվա 24» հեռուստաալիքի եւ «Մոսկովսկիե Նովոստի» թերթի աջակցությամբ:
Հարցմանը մասնակցել են փորձագետներ եւ գործընկերներ: Մարզական նվաճումներից բացի հաշվի են առել մարզիկի անձնական որակները, ակտիվ կենսակերպ վարելու վերաբերյալ մարդկանց որոշումների վրա ազդեցության աստիճանը, տպագիր մամուլում հիշատակումները եւ ինտերնետային հարցումները:
Տասնյակում են նաեւ վոլեյբոլիստներ Սերգեյ Տետյուխինն ու Մաքսիմ Միխայլովը, հաշմանդամ աթլետ Ալեքսեյ Աշապատովը, բարձրացատկորդ Իվան Ուխովը, հոկեյիստներ Պավել Դացյուկն ու Ալեքսանդր Օվեչկինը եւ բասկետբոլիստ Անդրեյ Կիրիլենկոն:
Հիշեցնենք, որ Արսեն Գալստյանն ընդգրկված էր նաեւ 2012թ. Ռուսաստանի լավագույն մարզիկների տասնյակում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։