«Այրուձին»՝ EuroHockey Indoor Club Challenge II-ի արծաթե մեդալակիր

17:36   19 փետրվարի, 2013

Մականախաղի հայկական «Այրուձի» ակումբի թիմը դարձել է EuroHockey Indoor Club Challenge II մրցաշարի երկրորդ մրցանակակիր եւ իրավունք է նվաճել հաջորդ տարի հանդես գալ նույն մրցաշարի առաջին դիվիզիոնում։

Եվրոպայի ակումբային թիմերի մրցաշարը տեղի է ունեցել փետրվարի 15-ից 17-ը Հունաստանում։ Մասնակցել են ակումբային թիմեր Բուլղարիայից, Վրաստանից, Հայաստանից, Հունաստանից, Նորվեգիայից, Ֆինլանդիայից, Լեհաստանից եւ Սերբիայից:

Մարզիչ Սամվել Գեւորգյանի գլխավորությամբ թիմում ընդգրկված են եղել Գարիկ Հակոբյանը, Նարեկ Մելքոնյանը, Դավիթ Գասպարյանը, Վռամ Ավետիսյանը, Վահե Կարապետյանը, Արսեն Գեւորգյանը, Արտաշես Կարապետյանը, Արմեն Բավեյանը, Էրիկ Ամիրբեկյանը, Սամվել Գեւորգյանն ու Հովհաննես Արզաքանցյանը։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։