Արթուր Աբրահամը չեմպիոնական գոտու մենամարտ կանցկացնի Ռոբերտ Շտիգլիցի հետ
15:34 30 մարտի, 20122012 թվականի վերջում հայաստանցի բռցքամարտիկ Արթուր Աբրահամը պատրաստվում է երկրորդ միջինքաշային կարգի չեմպիոնական գոտու մենամարտ անցկացնել գերմանացի Ռոբերտ Շտիգլիցի հետ։ Այդ մասին Sportbox.ru-ին տված հարցազրույցում հայտարարել է միջինքաշային կարգի նախկին չեմպիոն Արթուր Աբրահամը։
«Ինձ համար ավելի լավ է հաճախ մենամարտեր անցկացնել։ Ես չեմ սիրում երկար հանգստանալ։ Երբ ավարտեմ կարիերաս, այդ ժամանակ էլ կանցնեմ ակտիվ հանգստի։ Իմ գլխավոր նպատակը չեմպիոն դառնալն է։ Կարծում եմ՝ այս տարվա վերջում երկրորդ միջին քաշային կարգում չեմպիոնական գոտու մենամարտ կանցկացնեմ Ռոբերտ Շտիգլիցի հետ։
Ինչ վերաբերվում է Վիլշեւսկուն, նա ձախ ձեռքի լավ հարվածների է տիրապետում։ Ժամանակին Վիլշեւսկին մարզվել է մեզ մոտ, եւ ես տեսել եմ, թե ինչպես է նա պատրաստվում մենամարտին»,- Աբրահամի խոսքը մեջբերում է Sportbox.ru-ն։
Հիշեցնենք, որ մարտի 31-ին գերմանական Քիլ քաղաքում Արթուր Աբրահամն ու Պյոտր Վիլշեւսկին կվիճարկեն միջինքաշային կարգի WBO վարկածով չեմպիոնական գոտին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.