Կլիչկոյին վերադարձվել է մեկ միլիոնով վաճառված Օլիմպիական խաղերի ոսկե մեդալը
12:30 30 մարտի, 2012Գերծանրքաշային կարգի WBA, IBF, IBO եւ WBO վարկածներով աշխարհի չեմպիոն Վլադիմիր Կլիչկոյին հետ է վերադարձվել բարեգործական աճուրդում վաճառված 1996թ. Օլիմպական խաղերի ոսկե մեդալը։
Մարտի 29-ին Կիեւում կայացած աճուրդում Կլիչկոն մեկ միլիոն դոլարի դիմաց վաճառել էր Ատլանտայի Օլիմպիական խաղերում նվաճած ոսկե մեդալը, սակայն այն անմիջապես վերադարձվել է ուկրաինացի բռնցքամարտիկին։
Աճուրդի ժամանակ Վլադիմիրը հայտնվել է բեմում եւ հայտարարել, որ անհայտ գնորդը մեկ միլիոն դոլարով գնել է մեդալը եւ որոշել է այն թողնել Կլիչկոյին՝ նշելով, որ նման քայլի է դիմում հարգելով Կլիչկոյին ու նրա ընտանիքը։
Վլադիմիր Կլիչկոն շնորհակալություն է հայտնել գնորդին՝ հայտարարելով, որ Ատլանտայի Օլիմպիական խաղերում նվաճած ոսկե մեդալն իր համար ամենաթանկ մրցանակներից մեկն է, քանի որ դա իր առաջին լուրջ հաջողությունն էր բռնցքամարտում։
Բարեգործական աճուրդի ժամանակ Կլիչկոյի իրերից վաճառված գումարը գերազանցել է 1.5 միլիոն դոլարը, հաղորդում է Boxingscene-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.