Հրայր Մկոյանը չեխական «Դինամոյում» կխաղա մինչեւ հաջորդ մրցաշրջանի ավարտը

Չեսկե Բուդեյովիցեի «Դինամոն» հաստատել է Հայաստանի ազգային հավաքականի կենտրոնական պաշտպան Հրայր Մկոյանի տեղափոխությունը, հայտնում է ակումբի պաշտոնական կայքը: Նա չեխական թիմում հանդես կգա մինչեւ հաջորդ մրցաշրջանի ավարտը:

26-ամյա Հրայր Մկոյանը «Դինամոյի» կազմում ստուգողական հանդիպում է անցկացրել  ավստրիական «Ռապիդի» դեմ: Չեխական թիմը պարտվել է 0:1 հաշվով:

Չնայած պարտությանը Չեսկե Բուդեյովիցեի «Դինամոյի» գլխավոր մարզիչ Միրոսլավ Ստուկուպը նշել է, որ փորձաշրջանի կարճ ժամանակում Մկոյանն իրեն դրսեւորել է լավագույն կողմերով եւ կուժեղացնի կազմը: 

«Դինամոն» Չեխիայի առաջնության առաջին շրջանից հետո նախավերջին` 15-րդ, տեղում է: