Ավստրալիայի ԱՕԿ-ը պատերազմ է հայտարարել դոպինգին եւ պայմանավորված հանդիպումներին

Ավստրալիայի Ազգային օլիմպիական կոմիտեի նախագահ Ջոն Քոութսը կոչ է արել պատժել սպորտում դոպինգային եւ բուքմեյքերական սկանդալների հետ որեւէ առնչություն ունեցող աստղերին եւ պաշտոնյաներին:

Այդ հայտարարությունը Քոութսն արել է արգելված դեղամիջոցների օգտագործման, մարզական միջոցառումներում խաղադրույքներ կատարելու եւ կազմակերպված հանցավորության հետ կապի վերաբերյալ մեկ տարվա հետաքննության արդյունքների հրապարակումից հետո: Հետաքննությունը ցույց է տվել, որ դոպինգի տարածմանն ու պայմանավորված հանդիպումների կազմակերպմանը կարող են առնչություն ունենալ բազմաթիվ մարզիկներ: Իրավաբանական պատճառներով մարզիկների եւ թիմերի անունները դեռ չեն հրապարակվում, հաղորդում է ВВС-ն:

Քոութսը կոչ է արել դուրս գալ ստվերից եւ խոստովանել, քանի որ միեւնույնն է` բոլորը վերջում ենթարկվելու են պատասխանատվության: