Հենրիխ Մխիթարյանը՝ «Շախտյոր» ամսագրի հերոս
10:42 9 փետրվարի, 2013Հայաստանի հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանը փետրվարի 10-ին կներկայացնի «Շախտյոր» ամսագրի հունվար ամսվա համարը, տեղեկացնում է ուկրաինական ակումբի պաշտոնական կայքը:
Հիշեցնենք, որ համարի հերոսը լինելու է հենց հայ ֆուտբոլիստը: Ամսագիրը ներկայացնելու շրջանակում Մխիթարյանը նաեւ ինքնագրեր կտա:
Բացի այդ, տեղում հնարավոր կլինի լուսանկարվել ձմեռային հավաքների ընթացքում «Շախտյորի» նվաճած երեք գավաթների հետ: Ավանդույթի համաձայն, այն 50 երկրպագուները, ովքեր արարողությանը կժամանեն բոլորից շուտ, Հենրիխ Մխիթարյանից կստանան ակումբի պաշտոնական ամսագրի մեկական օրինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։