Ուսեյն Բոլթի պատճառով Մեծ Բրիտանիան հանել է հարկերը

18:31   7 փետրվարի, 2013

Օլիմպիական խաղերի 6-ակի եւ աշխարհի 5-ակի չեմպիոն, ջամայկացի արագավազորդ Ուսեյն Բոլթը եւ արտասահմանցի մյուս մասնակիցները կազատվեն այն հարկերից, որոնք կգործեին Մեծ Բրիտանիայում անցկացվելիք աթլետիկայի «Ադամանդե լիգայի» մրցաշարին մասնակցելու դեպքում: Մրցաշարը անցկացվելու է հուլիսի 27-ին Լոնդոնի Օլիմպիական ստադիոնում, հայտնում է ВВС-ն:

Մեծ Բրիտանիայի ֆինանսների նախարար Ջորջ Օսբորնը որոշել է բացառություն անել այս մրցաշարի մասնակիցների համար:

2009-ից Բոլթը չի մասնակցում Մեծ Բրիտանիայում անցկացվող կոմերցիոն մրցաշարերին բարձր հարկերի պատճառով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։