Վիլաշ-Բոաշ. «Շախտյորը» չափազանց բարձր գին էր պահանջում Վիլիանի համար
21:15 1 փետրվարի, 2013Վիլիանին վաճառել են խելահեղ գումարով, հայտարարել է Լոնդոնի «Տոտենհեմի» գլխավոր մարզիչ Անդրե Վիլաշ-Բոաշը՝ մեկնաբանելով բրազիլացի կիսապաշտպանի տեղափոխությունը «Շախտյորից» «Անժի»։
«Վիլիանը ցանկանում էր խաղալ Անգլիայում, բայց Դոնեցկի «Շախտյորը» չափազանց բարձր գին էր պահանջում։ Վիլիանին վաճառել են խելահեղ գումարով։ Այժմ նա կխաղա մի առաջնությունում, որը առանձնապես ուժեղ չէ Ուկրաինայի առաջնությունից։ Ցավալի է, որ այդպիսի տաղանդավոր խաղացողը չի կարող տեղափոխվել ավելի ուժեղ առաջնություն։ Ռուսաստանում միլիարդատերերը մեծ ներդրումներ են անում ակումբներում, բայց ամեն դեպքում Անգլիայի Պրեմյեր լիգան մնում է ուժեղագույնն աշխարհում, եւ բոլոր ֆուտբոլիստները ցանկանում են խաղալ այստեղ»,- Վիլաշ-Բոաշի խոսքը մեջբերում է ESPN-ը։
Հիշեցնենք, որ Վիլիանին գնելու ցանկություն ունեին «Չելսին» ու «Տոտենհեմը»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.