Sport.es. «Ռեալի» ֆանատները վիրավորել են Մեսիին ու Ալվեսին՝ կրակայրիչով հարվածելով Պիկեին
13:15 31 հունվարի, 2013Հունվարի 30-ին Իսպանիայի Գավաթի կիսաեզրափակիչի շրջանակում կայացած «Ռեալ» - «Բարսելոնա» (1:1) խաղից հետո կատալոնական Sport.es-ն իր ընթերցողների ուշադրությունը սեւեռել է 3 տհաճ միջադեպերի վրա: Կատալոնական կայքի համաձայն՝ «Ռեալի» երկրպագուներն աչքի են ընկել ոչ մարզական վարքով:
«Ինչպես միշտ, «Բարսելոնայի» բրազիլացի պաշտպան Դանի Ալվեսի հասցեին հնչել են ռասիաստական բնույթի վիրավորանքներ: Բացի այդ, Արքայական ակումբի ֆանատները վանկարկել են «Աննորմալ Մեսի»: Այդ արտահայտությունը «Ռեալի» երկրպագուների կողմից հնչում է ոչ միայն «Էլ կլասիկոների» ժամանակ: Եվ վերջում, Ռոնալդուի հարվածը փակելուց հետո Պիկեին հարվածել են կրակայրիչով: Այդ փաստը խաղի գլխավոր մրցավար Կլոս Գոմեսը նշել է հանդիպման արձանագրությունում: Մրցավարը նաեւ նկատել է, որ ֆուտբոլիստներին հաճախ էին փորձում խանգարել լազերային լույսերի միջոցով»,- գրում է կայքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։