Վլադիմիր Կլիչկոյին մեղադրել են թալանի մեջ
15:51 29 հունվարի, 2013WBA վարկածով չեմպիոն, ռուս գերծանրքաշային բռնցքամարտիկ Ալեքսանդր Պովետկինի գերմանացի պրոմոուտեր Կալե Զաուերլենդը պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն, ուկրաինացի Վլադիմիր Կլիչկոյին (59-3, 50 նոկաուտ) մեղադրել է թալանի մեջ:
WBA-ն Վլադիմիր Կլիչկոյին պարտադրել էր 2013-ի փետրվարի 26-ին մենամարտել Պովետկինի հետ, սակայն ուկրաինացին խնդրել է հետաձգել այդ մենամարտը մինչեւ ամառ, որպեսզի ռինգում հանդիպի չիլիացի Օդլանյեր Սոլիսի հետ:
«Մինչեւ օրս չեմ կարողանում ուշքի գալ: Օդլանյեր Սոլի՞ս. դա թալան է օրը ցերեկով»,- Twitter-ի իր էջում գրել է Զաուերլենդը:
Պրոմոուտերը նշել է, որ 2011-ին Վիտալի Կլիչկոյից կրած պարտությունից հետո Սոլիսն անցկացրել է ընդամենը մեկ մենամարտ՝ մրցելով գերմանացի Կոնստանտին Այրիհի հետ: Զաուերլենդի խոսքով՝ Սոլիսը WBA-ի 15 լավագույն գերծանրքաշային բռնցքամարտիկների թվում չէ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.