Հայաստանը երկու մեդալ նվաճեց Ղազախստանում
18:04 28 հունվարի, 2013Հունվարի 26-ից 28-ը Ղազախստանի Ուրալսկ քաղաքում անցկացվեց սամբոյի Մրցաշրջան 2013-ի առաջին միջազգային` A դասի մրցաշարը, որը կրելով «Ղազախստանի նախագահ Նորսուլթան Նազարբաեւի մրցանակներ» անվանումը, հանդիսանում է սամբոյի աշխարհի գավաթի փուլերից մեկը:
Մրցաշարում Հայաստանը ներկայացնող վեց մարզիկներից երկուսը հայրենիք կվերադառնան բրոնզե մեդալով:
Երրորդ հորիզոնականն են զբաղեցրել մարտական սամբոյի 82 կգ քաշային կարգում՝ Մավրիկ Նասիբյանը, մարզական սամբոյի 90 կգ քաշային կարգում` Դավիթ Գրիգորյանը: Երկուսն էլ Սամբոյի եւ ձյուդոյի օլիմպիական մանկապատանեկան մարզադպրոցի Ստեփանակերտի մասնաճյուղի սաներ են, հայտնում են Հայաստանի սամբոյի ֆեդերացիայից:
Քանի որ, այս մեդալները նվաճվել են հունվարի 28-ին՝ Հայոց բանակի 21-րդ տարեդարձի օրը, Հայաստանի սամբոյի ֆեդերացիան տարվա առաջին ձեռքբերումը նվիրում է Հայ Զինվորին՝ սկսած շարքայինից, ավարտած՝ գերագույն գլխավոր հրամանատարով:
Ավելացնենք, որ Ռուսաստանի հավաքականի կազմում կանանց 48 կգ քաշայինների հաղթողի կոչումը նվաճել է Գայանե Հարությունյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.