Նորայր Ասլանյան. Միշտ երազել եմ խաղալ Հայաստանի ազգային հավաքականում
17:21 28 հունվարի, 2013Ես միշտ երազել եմ խաղալ Հայաստանի ազգային հավաքականում, եւ երբ ստացվեց հրավերը, սկզբից նույնիսկ չէի հավատում, ՀՖՖ լրատվական ծառայությանն ասել է Հայաստանի հավաքականի նորեկ Նորայր Ասլանյանը:
«Շատ դժվար է բառերով նկարագրել, թե ինչ եմ զգում այս պահին: Ես միշտ երազել եմ խաղալ Հայաստանի ազգային հավաքականում, եւ երբ ստացվեց հրավերը, սկզբից նույնիսկ չէի հավատում: Բայց հիմա արդեն գիտակցում եմ, որ սա իրականություն է:
Ակումբում շատ լավ ընդունեցին այդ փաստը: Մեր խաղացողների մեծ մասը հոլանդացիներ են, եւ, ինքներդ էլ հասկանում եք, նրանց համար շատ դժվար է Հոլանդիայի հավաքականում խաղալու հույս ունենալ: Մեր ակումբում հպարտ են, որ ունեն թեկուզ այլ երկրի ազգային հավաքականի թեկնածու:
Ես ինձ համարում եմ հարձակողական ոճի կիսապաշտպան, կամ ետ քաշված հարձակվող: Իսկ ընդհանրապես պատրաստ եմ խաղալ այնտեղ, որտեղ կարող եմ առավելագույն օգուտ բերել թիմին»,- ասել է Նորայր Ասլանյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.