Նորայր Մամեդով-Ասլանյան. Ասլանյանը կնոջս ազգանունն է

18:07   23 հունվարի, 2013

Ես հրավեր եմ ստացել Հայաստանի ազգային հավաքականից: Հայաստանի հավաքականում հանդես գալն ինձ համար երազանք է: Այդ մասին NEWS.am Sport-ի թղթակցի հետ զրույցում հայտարարեց ֆուտբոլի Հոլանդիայի առաջին դիվիզիոնի առաջնությունում հանդես եկող «Էմմեն» ակումբի կիսապաշտպան Նորայր Մամեդովը: 21-ամյա ֆուտբոլիստը փոխել է ազգանունը Հայաստանի հավաքականում հանդես գալու համար: Նորայրն ընտրել է Ասլանյան ազգանունը:

«Այո, ես ստացել եմ հրավեր: Բոլոր թղթաբանական հարցերը լուծված են: Փետրվարի 3-ին կմեկնեմ Ֆրանսիա, որտեղ կմիանամ Հայաստանի հավաքականի ֆուտբոլիստներին: Ասլանյան ազգանունն ընտրել եմ, քանի որ դա կնոջս ազգանունն է: Նա եվրոպաբնակ հայ է: Այստեղ ենք ծանոթացել: Հայաստանի հավաքականում հանդես գալն ինձ համար երազանք է: Սպասելիքներիս մասին դժվար է ասել, քանի որ սա առաջին խաղն է լինելու: Կարծում եմ, որ ամեն բան շատ լավ է անցնելու»,- զրույցում հայտնեց Նորայր Ասլանյանը:

Հիշեցնենք, որ փետրվարի 5-ին Ֆրանսիայի Վալանս քաղաքում Վարդան Մինասյանի թիմն ընկերական հանդիպում կանցկացնի Լյուքսեմբուրգի հավաքականի հետ: Այդ խաղին մասնակցելու հրավեր է ստացել նաեւ «Ուֆայի» 27-ամյա հարձակվող Միխայիլ Մարկոսովը:

Վերա Մարտիրոսյան



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։