Լոնդոնի «Տոտենհեմը» սեփական խաղադաշտում 3:1 հաշվով պարտության մատնեց «Բոլթոնին» եւ դուրս եկավ Անգլիայի գավաթի խաղարկության կիսաեզրափակիչ:
Քառորդ եզրարափակիչի խաղում դաշտի տերերի կազմում մեկական գոլ խփեցին նորզելանդացի պաշտպան Ռայան Նելսենը, ուելցի կիսապաշտպան Գարեթ Բեյլն ու ֆրանսիացի հարձկվող Լուի Սահան: Հյուրերից աչքի ընկավ անգլիացի հարձակվող Քեւին Դեյվիսը:
Կիսաեզրափակիչի ուղեգիր ձեռք բերեց նաեւ «Էվերտոնը», որը հյուրընկավելիս երկու անպատասխան գնդակ ուղարկեց «Սանդերլնեդի» դարպասը: Հյուրերի կազմում աչքի ընկավ խորվաթ հարձակվող Նիկիցա Էլավիչը: «Սանդերլենդի» ուելսցի պաշտպան Դեւիդ Վոենը գրավեց սեփական դարպասը:
Հիշեցնենք, որ կիսաեզրափակիչի ուղեգրեր էին ձեռք բերել նաեւ «Չելսին» ու «Լիվերպուլը»:
Հատկանշական է, որ կիսաեզրափակիչում տեղի կունանա երկու դերբի՝ լոնդոնյան եւ մերսիսայդյան:
Անգլիայի գավաթ. 1/4 եզրափակիչ
«Տոտենհեմ» - «Բոլթոն»՝ 3:1
Նելսեն, 31, Բեյլ, 77, Սահա, 90+4 – Դեյվիս, 90
«Սանդերլենդ» - «Էվերտոն»՝ 0:2
Էլավիչ, Վոեն, 57 (ինքնագոլ)
Կիսաեզրափակիչ
«Տոտենհեմ» - «Չելսի»
«Լիվերպուլ» - «Էվերտոն»
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։