Պաշտոնական. Խոսեպ Գվարդիոլան` «Բավարիայի» գլխավոր մարզիչ
20:18 16 հունվարի, 2013«Բարսելոնայի» նախկին գլխավոր մարզիչ Խոսեպ Գվարդիոլան կգլխավորի Մյունխենի «Բավարիան»: Այդ մասին հայտնում է գերմանական ակումբի պաշտոնական կայքը:
Գվարդիոլան աշխատանքը Մյունխենում կսկսի 2013թ. հուլիսից: Պայմանագիրը նախատեսված կլինի մինչեւ 2016 թվականը: Այդ պաշտոնում Գվարդիոլան կփոխարինի Յուպ Հայնկեսին, որն ամռանը կավարտի մարզչական կարիերան:
«Մենք շատ ուրախ ենք, որ մեզ հաջողվել է հրավիրել Գվարդիոլայի մակարդակի մասնագետի: Նրա ծառայություններով հետաքրքրված էին շատ ակումբներ: Գվարդիոլան աշխարհի ամենահաջողակ մարզիչներից մեկն է: Մենք վստահ ենք, որ նա կստիպի փայլել ոչ միայն «Բավարիային», այլ նաեւ ամբողջ գերմանական ֆուտբոլին»,- ասել է «Բավարիայի» գործադիր տնօրեն Կարլ-Հայնց Ռումենիգեն:
Հիշեցնենք, որ 41-ամյա Գվարդիոլայի գլխավորությամբ կատալոնացիները երեք տարում նվաճել են 14 տիտղոս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։