Transfermarkt.de․ «Փյունիկը» 5․5 միլիոն եվրո է աշխատել Հենրիխ Մխիթարյանի տրանսֆերից (ֆոտո)
13:11 16 հունվարի, 2013Transfermarkt.de պորտալը կազմել է Ուկրաինայի առաջնություն տեղափոխված ֆուտբոլիստների տրանսֆերային ցուցակը։ Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանի տրանսֆերը Երեւանի «Փյունիկին» հարստացրել է 5․5 միլիոն եվրոյով։ Դա 5-րդ ցուցանիշն է Ուկրաինայի Պրեմյեր լիգայում։
Վարկանիշային աղյուսակը գլխավորում է Վրաստանի ազգային հավաքականի, իտալական «Միլանի» եւ Կիեւի «Դինամոյի» նախկին պաշտպան Կախա Կալաձեն, ում տրանսֆերի արդյունքում Թբիլիսիի «Դինամոն» ստացել է 17 միլիոն 720 հազար եվրո։ Երկրորդն ուկրաինացի կիսապաշտպան Անատոլի Տիմոշյուկն է։ Ուկրաինայի հավաքականի խաղացողի տրանսֆերից Լուցկի «Վոլինն» աշխատել է 14 միլիոն 375 հազար եվրո։ Լավագույն եռյակը եզրափակել է «Մետալիստից» «Շախտյոր» տեղափոխված բրազիլացի կիսապաշտպան Թայսոնը։ 24-ամյա բրազիլացու տրանսֆերից բրազիլական «Ինտերնասիոնալը» ստացել է 8 միլիոն 940 հազար եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.