Խոակին Բոգոսյանը կարող է փոխարինել Յուրա Մովսիսյանին
09:23 15 հունվարի, 2013Ավստրիական «Զալցբուրգի» հարձակվող Խոակին Բոգոսյանը հայտնվել է ռուսական «Կրասնոդարի» հետաքրքրության ոլորտում:
Life Sports-ը գրում է, որ ռուսական ակումբը 25-ամյա Բոգոսյանին դիտարկում է որպես Հայաստանի ազգային հավաքականի ռմբարկու Յուրա Մովսիսյանին փոխարինող: «Կրասնոդարի» գլխավոր մարզիչ Սլավոլյուբ Մուսլինը հաստատել է, որ իր թիմը փոխարինող է փնտրում Մովսիսյանին, ով տեղափոխվել է Մոսկվայի «Սպարտակ»: Խոակին Բոգոսյանի տրանսֆերային արժեքը գնահատվում է 800 հազար եվրո:
Հիշեցնենք, որ Բոգոսյանը 2010-ին անգենտինական «Նյուելս Օլդ Բոյսից» է տեղափոխվել «Զալցբուրգ», սակայն այդպես էլ չկարողացավ առանցքային խաղացող դառնալ ավստրիական ակումբում: 2011/2012 մրցաշրջանում նա վարձավճարով հանդես եկավ Մոնտեւիդեոյի «Նասիոնալում», որի կազմում դարձավ Ուրուգվայի չեմպիոն: Ավելի վաղ լուրեր էին շրջանառվում, որ Բոգոսյանը կարիերան շարունակելու է Էկվադորի 14-ակի չեմպիոն Գուայակիլի «Բարսելոնայում»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.