Հրայր Մկոյանը պայմանագիր կնքեց «Կարպատների» հետ
21:01 11 հունվարի, 2013Հայաստանի ազգային հավաքականի կենտրոնական պաշտպան Հրայր Մկոյանը պաշտոնապես դարձել է ֆուտբոլի Ուկրաինայի Պրեմյեր լիգայում հանդես եկող Լվովի «Կարպատների» խաղացող: Հունվարի 11-ին ազատ գործակալի կարգավիճակում գտնվող 26-ամյա Մկոյանը 2.5 տարվա պայմանագիր է կնքել ուկրաինական ակումբի հետ, հայտնում են NEWS.am Sport-ի աղբյուրները:
Հունվարի 11-ին գյումրեցի պաշտպանը «Կարպատների» հետ հավաքի կմեկնի Անթալիա:
Հիշեցնենք, որ օրեր առաջ Մկոյանը երկկողմանի փոխահամաձայնությամբ խզել էր պայմանագիրը Գյումրիի «Շիրակի» հետ:
18-րդ տուրից հետո «Կարպատների» 19 միավորով 14-րդ տեղում է եւ պայքարում է տեղը Պրեմյեր լիգայում պահպանելու համար: Ուկրաինայի առաջնությունում «Կարպատները» հաջորդ հանդիպումը կանցկացնեն մարտի 2-ին՝ մրցելով Սիմֆերոպոլի «Տավրիայի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.