Արթուր Սարկիսով. Նոր տարուն մայրս միշտ հնդկահավ է պատրաստում
00:22 29 դեկտեմբերի, 2012Նոր տարին միշտ դիմավորել եմ տանը՝ ընտանիքիս հետ: Այս տարին եւս բացառություն չի լինի, հայտարարել է Հայաստանի ազգային հավաքականի եւ Նիժնի Նովգորոդի «Վոլգայի» հարձակվող Արթուր Սարկիսովը:
«2012-ի ամենակարեւոր իրադարձությունը շատ հեշտ է մտաբերել. դա իմ նորամուտն էր Ռուսաստանի Պրեմյեր լիգայում: Այն փակում է մյուս իրադարձությունները: Նոր տարին միշտ դիմավորել եմ տանը՝ ընտանիքիս հետ: Այս տարին եւս բացառություն չի լինի: Մայրս միշտ հնդկահավ է պատրաստում: Նոր տարուն այն անպայման կլինի մեր սեղանին:
Երկրպագուներին առաջին հերթին առողջություն եմ մաղթում: 2012-ին սպասում ենք նրանց ստադիոնում: Հուսով եմ` կկարողանանք հաղթանակներով ուրախացնել «Վոլգայի» երկրպագուներին: Կանենք ամեն բան, որպեսզի նրանք հպարտանան մեր թիմով եւ ուրախությամբ ու հաճույքով գան ստադիոն»,- Սարկոսովի խոսքը փոխանցում է «Վոլգայի» պաշտոնական կայքը:
Հիշեցնենք, որ Արթուր Սարկիսովը 2012-ին Յարոսլավլի «Շիննիկից» է տեղափոխվել «Վոլգա»: Ռուսաստանի ընթացիկ առաջնությունում նա մասնակցել է 8 խաղի, արդյունավետությամբ աչքի չի ընկել:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.