«Լիվերպուլը» ցանկանում է ձեռք բերել Ա Սերիայի լավագույն ռմբարկուին

23:12   19 նոյեմբերի, 2026

Անգլիական «Լիվերպուլը» ցանկանում է ձեռք բերել իտալական «Մոնցայի» 21-ամյա հարձակվող Գուշտավու Վարելային, որն Ա Սերիայի ընթացիկ առաջնության լավագույն ռմբարկուն է։ Լիվերպուլյան ակումբի սկաուտներն այս մրցաշրջանում մի քանի անգամ ներկա են եղել «Մոնցայի» հանդիպումներին, հաղորդում է իտալական Corriere dello Sport-ը։

Անգլիական «Տոտենհեմը», «Բրենթֆորդը» եւ «Սանդերլենդը» նույնպես հետաքրքրված են Գուշտավու Վարելայի ծառայություններով։ Նրա տրանսֆերային իրավունքի 20 տոկոսը պատկանում է պորտուգալական «Բենֆիկային»։

Իտալիայի ընթացիկ առաջնության 10 խաղում Վարելան խփել է 9 գոլ, կատարել 1 գոլային փոխանցում։ Նրա պայմանագիրը «Մոնցայի» հետ նախատեսված է մինչեւ 2030թ․ հունիս։

Transfermarkt-ը Վարելայի տրանսֆերային իրավունքը գնահատում է 5 միլիոն եվրո։ Նա Պորտուգալիայի մինչեւ 21 տարեկանների հավաքականի անդամ է։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.