«Ռեալի» եւ «Աթլետիկոյի» նախկին դարպասապահն ավարտեց կարիերան

17:02   19 նոյեմբերի, 2026

Մադրիդի «Ռեալի» եւ «Աթլետիկոյի» նախկին դարպասապահ, 39-ամյա իսպանացի Անտոնիո Ադանը հայտարարեց պրոֆեսիոնալ կարիերան ավարտելու մասին։

«Ինձ հաջողվեց զգալ այն ամենը, ինչի մասին երազել էի մանկության տարիներին։ Ֆուտբոլը տվեց ինձ ամեն ինչ։ Ես հաղթում էի, պարտվում, արտասվում եւ ուրախանում, բայց ամենից առաջ ես սովորում էի։ Շնորհակալ եմ բոլորին, ովքեր ինձ տվել են այդ հնարավորությունը։ Շնորհակալություն ֆուտբոլին»,- Ինստագրամում գրել է Ադանը։

Նա Մադրիդի «Ռեալի» ակադեմիայի սան է, հիմնական թիմում նորամուտը նշել է 2010 թվականին։ Ադանը «Ռեալի» կազմում դարձել է Իսպանիայի չեմպիոն, գավաթակիր եւ սուպերգավաթակիր։ Մադրիդի «Աթլետիկոյի» կազմում Ադանը դարձել է Եվրոպայի սուպերգավաթակիր։ Նա հանդես է եկել նաեւ իտալական «Կալյարում», իսպանական «Բետիսում», պորտուգալական «Սպորտինգում», իրանական «Էստեղլյալում»։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.