Մ-19 ԵԱ․ Հայաստանի հավաքականը 10 ֆուտբոլիստով ոչ-ոքի խաղաց Կիպրոսի հետ

21:38   17 նոյեմբերի, 2026

Կիպրոսի Սոտիրայի քաղաքային մարզադաշտում կայացավ ՈՒԵՖԱ Եվրոպայի Մ-19 առաջնության որակավորման երկրորդ փուլի B լիգայի 6-րդ խմբի վերջին՝ երրորդ տուրի Կիպրոս - Հայաստան հանդիպումը։

17-րդ րոպեին կարմիր քարտ ստացավ Հայաստանի թիմի դարպասապահ Արթուր Պետրոսյանը։ 11-մետրանոցը դիպուկ իրացրեց Ռոմպերտոս Ռոտիսը։ 9 րոպե անց 11-մետրանոցից հաշիվը հավասարեցրեց Դավիթ Դավթյանը, իսկ Դավիթ Բաթոյանը թիմին առաջ մղեց հաշվի մեջ, հաղորդում է ՀՖՖ-ի կայքը։ Կիպրոսի երկրորդ գոլը խփեց Վլադիմիրոս Սավվան՝ հավասարեցնելով հաշիվը։ Հանդիպումն ի վերջո ավարտվեց ոչ-ոքի՝ 2։2 հաշվով։

Ռազմիկ Գրիգորյանի գլխավորած թիմը 1 միավորով B լիգայի 6-րդ խմբում զբաղեցրեց երկրորդ տեղը և ավարտեց ելույթը Եվրոպայի Մ-19 առաջնության որակավորման փուլում։ Խմբում հաղթեց և որակավորման երրորդ փուլ դուրս եկավ Ալբանիայի թիմը՝ վաստակելով 6 միավոր։

Եվրոպայի Մ-19 առաջնության որակավորման երկրորդ փուլ
Կիպրոս Մ-19 - Հայաստան Մ-19՝ 2։2
Ռոմպերտոս Ռոտիս, 19 (11մ), Վլադիմիրոս Սավվա, 46 - Դավիթ Դավթյան 26 (11մ), Դավիթ Բաթոյան, 32
Հեռացում՝ Արթուր Պետրոսյան, 17

 

 



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.