«Մանչեսթեր Յունայթեդը» մնաց առանց գլխավոր մարզիչի
15:31 12 նոյեմբերի, 2026Անգլիական «Մանչեսթեր Յունայթեդը» պաշտոնապես հայտարարեց գլխավոր մարզիչի պաշտոնից անգլիացի Մայքլ Քերիկի հեռացման մասին։
«Ակումբը հաստատում է, որ Մայքլ Քերիկը հեռացել է գլխավոր մարզիչի պաշտոնից։ Նա ակումբ էր վերադարձել հունվարին եւ թիմին բերել Պրեմիեր լիգայի բրոնզե մեդալներին՝ 17 խաղում տանելով 12 հաղթանակ։ Դա այդ ժամանակահատվածի համար առավելագույն ցուցանիշն է ակումբի պատմության մեջ։
Այս մրցաշրջանում հիասթափեցնող սկզբից հետո ակումբը հանգեց շատ ծանր եզրակացության անհրաժեշտ փոփոխությունների վերաբերյալ։
Մայքլը եղել է եւ կմնա «Մանչեսթեր Յունայթեդի» լեգենդը։ Ֆուտբոլիստի կարգավիճակում էլ նա ցուցադրել է նվիրվածության եւ պրոֆեսիոնալիզմի ամենաբարձր մակարդակ ակումբում անցկացրած տարիներին։ Անցած մրցաշրջանում նրա ցուցադրած առաջնորդական որակները ընդմիշտ կմնան մեր հիշողությունում։
Ակումբը մտադիր է ինչքան հնարավոր է արագ նշանակել նոր մարզիչի»,- նշվում է ակումբի հաղորդագրությունում։
Սպասվում է, որ Մայքլ Քերիկին կփոխարինի ԱՄՆ-ի հավաքականի արգենտինացի գլխավոր մարզիչ Մաուրիսիո Պոչետիոն։
Անգլիայի Պրեմիեր լիգայի 10 տուրից հետո «Մանչեսթեր Յունայթեդը» 8 միավորով 18-րդ տեղում է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.