Տոնի Կրոս․ Այս խաղաոճով «Բարսելոնայի» համար շատ դժվար կլինի հաղթել Չեմպիոնների լիգայում
21:55 11 նոյեմբերի, 2026Տոնի Կրոս․ Այս խաղաոճով «Բարսելոնայի» համար շատ դժվար կլինի հաղթել Չեմպիոնների լիգայում
Մադրիդի «Ռեալի» և Գերմանիայի հավաքականի նախկին կիսապաշտպան Տոնի Կրոսը բացատրել է, թե ինչու է «Բարսելոնան» դժվարություններ ունենալու Չեմպիոնների լիգայի այս մրցաշրջանում տիտղոսը նվաճելու հարցում:
Կրոսի խոսքով՝ գերմանացի Հանս-Դիտեր Ֆլիկի գլխավորած թիմը չափազանց շատ է հույսը դնում իր հարձակողական խաղի վրա, երբեմն անտեսելով պաշտպանությունը:
«Այս խաղաոճով «Բարսելոնայի» համար շատ դժվար կլինի հաղթել Չեմպիոնների լիգայում: «Բարսելոնայի» մոտեցումը միշտ հիմնված է մրցակիցներից ավելի շատ հնարավորություններ ստեղծելու վրա: Բայց Չեմպիոնների լիգայում դա շատ ավելի դժվար է:
Դուք մրցում եք այնպիսի թիմերի հետ, որոնք ունակ են մեկ խաղում մի քանի գոլ խփել։ Դուք նաև խաղում եք այն թիմերի դեմ, որոնք բացառիկ լավ են պաշտպանվում և պարզապես թույլ չեն տալիս ձեզ խաղալ այնպես, ինչպես դուք եք ուզում։ Եվ երբ դա տեղի է ունենում, դուք պետք է կարողանաք նաև պաշտպանվել։ «Բարսելոնան» չափազանց շատ է հույսը դնում երկու կամ երեք գոլ խփելու և հաղթելու վրա։ Սա Չեմպիոնների լիգայի համար վտանգավոր մոտեցում է»,- Կրոսի խոսքը մեջբերում է The Touchline-ը։
Չեմպիոնների լիգայի ընթացիկ մրցաշրջանում «Բարսելոնան» հաղթել է հոլանդական «Ֆեյենորդին» (5:1), թուրքական «Գալաթասարային» (4:1), անգլիական «Աստոն Վիլային» (3:0), պարտվել է Ֆրանսիայի չեմպիոն, Չեմպիոնների լիգայի գործող գավաթակիր ՊՍԺ-ին (2:4):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.