Արտյոմ Բանդիկյան. Պատրաստ ենք վաղվա խաղին
19:16 11 նոյեմբերի, 2026Վաղը յուրաքանչյուրս պետք է մեր ուժերը թողնենք խաղադաշտում: Կփորձենք փոխել մեր խաղը եւ լավ հանդիպում անցկացնել: Պատրաստ ենք վաղվա խաղին:
Այսպես նախախաղային ասուլիսում ասաց ֆուտբոլի Հայաստանի հավաքականի եւ Մոսկվայի ԲԿՄԱ-ի պաշտպան Արտյոմ Բանդիկյանը:
Ֆուտբոլի Ազգերի լիգայի խմբային փուլի նախավերջին տուրում Հայաստանի հավաքականը նոյեմբերի 12-ին Երեւանի Վազգեն Սարգսյանի անվան «Հանրապետական» ստադիոնում կընդունի Կիպրոսի հավաքականին։
Հայաստանի հավաքականի անդամը լրագրողների հետ զրուցեց հայերենով եւ խնդրեց իրեն հարցերն ուղղել հայերեն:
«Շատ ուրախ եմ, որ վերադարձել եմ հավաքական: Վնասվածքից հետո շատ լավ եմ ինձ զգում եւ պատրաստ եմ վաղվա խաղին: Շատ ենք ուսումնասիրել մեր խաղերը, վաղվա մրցակցին: Վաղը յուրաքանչյուրս պետք է մեր ուժերը թողնենք խաղադաշտում: Կփորձենք փոխել մեր խաղը եւ լավ հանդիպում անցկացնել: Պատրաստ ենք վաղվա խաղին»,- ասաց Արտյոմ Բանդիկյանը:
C լիգայի երկրորդ խմբի չորրորդ տուրում Հայաստանի հավաքականը Պոդգորիցայում ոչ ոքի արդյունք (0:0) էր գրանցել Չեռնոգորիայի հետ խաղում: Կիպրոսում թիմերի առաջին խաղում 2։0 հաշվով հաղթել էին դաշտի տերերը։
Հայաստան – Կիպրոս հանդիպումը տեղի կունենա նոյեմբերի 12-ին եւ կմեկնարկի 21:00-ին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.